L-Aħħar Tagħrif
IL-ĠIMGĦA 14 T’AWWISSU
Peress li Santa Marija din is-sena se taħbat is-Sibt, lejlet il-Festa, jiġifieri l-Ġimgħa 14 t’Awwissu, ma jkunx hawn Summer Club. Is-Summer Club ikompli mbagħad mit-Tnejn 17 t’Awwissu.
L-Għid tal-Assunta 2026
Is-Sibt hija l-Festa ta’ Santa Marija, patruna prinċipali tal-gżejjer maltin. Jalla l-Festa ma tiġix biss biex ikollna ġurnata ta’ ċelebrazzjoni. Iċ-ċapċipa tagħna lil Santa Marija llum trid tfisser il-ferħ tagħna għal Dik li tat kollox għal Binha u għalina. Ejjew inħalluha tfisser ukoll l-impenn tagħna biex nimitawha fil-virtujiet tagħha, biex naslu ħdejha fil-glorja tal-Ġenna.
IL-QUDDIES IS-SIBT
Is-Sibt, il-Festa ta’ Santa Marija, il-Quddies fl-Oratorju jkun bħal nhar ta’ Ħadd, jiġifieri fit-8:00am u fl-10:30am. Filgħaxija ma jkunx hawn Quddiesa.
IL-BIRTHDAY TA’ DON BOSCO
Il-Ħadd 16 t’Awwissu jaħbat il-211-il Birthday tal-patrun tagħna San Ġwann Bosco. Inħeġġukom biex pitgħada niltaqgħu lkoll fil-Kappella għall-Quddies, li jkunu fit-8:00am u fl-10:30am. Aħsbu għall-Qrar qabel.
“DB CELEBRATION”
Fl-okkażjoni tal-Birthday ta’ San Ġwann Bosco, it-Tnejn 17 t’Awwissu se jkollna xi attivitajiet speċjali għat-tfal bl-isem ta’ “DB Celebration”.
Fid-9:00am — Quddiesa għat-Tfal minn Mons. Isqof, u wara nieħdu r-ritratt uffiċċjali tas-Summer Club ta’ din is-sena miegħu. Fl-10:00am — Magic Show fil-grawnd mill-maġista minn Malta Alfred Mifsud.
Fil-10:45am — Marċ minn banda taż-żgħażagħ mill-Foyer sal-Grawnd tal-Oratorju bl-istatwa żgħira ta’ Don Bosco.
Bouncy Castles
Face-Painting
Qsim tal-Birthday Cake ta’ Don Bosco
BBQ u CONCERT TAL-AĦĦAR TAS-SUMMER CLUB
Bħalma issa saret tradizzjoni, it-tmiem uffiċċjali tad-Don Bosco Summer Club jasal bil-Kunċert tal-Aħħar u BBQ għal Kulħadd fi Pjazza Santu Wistin quddiem l-Oratorju. Dawn se jsiru nhar l-Erbgħa 26 t’Awwissu fit-8:00pm fi Pjazza Santu Wistin. It-tema tal-Concert din is-sena hija “Fairytales”. Inħeġġukom biex tiġu u tissapportjaw it-tfal u ż-żgħażagħ tagħna. Il-biljetti tal-BBQ jistgħu jinxtraw mingħand d. Effie. It-tfal li qed jieħdu sehem fil-Concert qed jingħataw Biljett b’xejn. Il-prezz tal-Biljetti għall-Kbar huwa ta’ €25. Tat-tfal huwa: €12. Il-biljetti jibqgħu jinxtraw sat-Tnejn 24 t’Awwissu f’nofsinhar.
WIRJA BIX-XOGĦOL TAT-TFAL
Mill-weekend li ġej sal-Erbgħa 26 t’Awwissu fil-Foyer se ssir Wirja b’Ritratti u b’xi xogħol tat-tfal li nħadem matul ix-xhur tas-Sajf. Dawk it-tfal li jixtiequ juru xi xogħol li għamlu matul is-sajf huma mitluba li jġibuh l-Oratorju sa nhar l-Erbgħa li ġejja.
IL-KALENDARJU TAL-AĦĦAR ĠRANET TAS-SUMMER CLUB
Il-Ħadd 23 t’Awwissu: Ftuħ tal-Wirja b’Ritratti u bix-xogħol tat-tfal fil-Foyer tal-Oratorju.
L-Erbgħa 26 t’Awwissu: Fid-9:00am - Quddiesa ta’ Radd il-Ħajr u Prova Ġenerali tal-Concert.
L-Erbgħa 26 t’Awwissu: Fit-8:00pm - “Fairytale Concert” mit-Tfal tas-Summer Club u BBQ fi Pjazza Santu Wistin għal Kulħadd. Biljetti minn qabel.
Il-Ġimgħa 28 t’Awwissu: Fid-9:00am - Ħarġa għar-Ramla. Il-Biljetti jingħataw lit-Tfal dakinhar tal-Concert filgħaxija.
ONLINE BOOKING GĦAL “THE PRINCE OF EGYPT”
L-online booking għall-musical “The Prince of Egypt” li l-Oratorju se jtella’ f’Novembru hu miftuħ. Għall-booking tistgħu tidħlu minn hawn. Il-booking mill-Foyer jiftaħ f’Ottubru.
