L-Aħħar Tagħrif
ATTIVITA’ TEATRALI DWAR L-ISTORJA TAL-BELT VICTORIA
L-Oratorju Don Bosco bil-kollaborazzjoni tal-Kunsill Lokali tal-Belt Victoria se jippreżenta spettaklu ta’ daħk u divertiment dwar l-istorja ta’ beltna nhar il-Ġimgħa 26 ta’ Ġunju fit-8:00pm. Id-dħul huwa b’xejn. Il-biljetti jinqatgħu jew online jew mill-Booking Office kuljum bejn il-5:00pm u s-6:15pm.
ADORAZZJONI TAL-KORPUS
Illum il-Festa tal-Ġisem u d-Demm tal-Mulej, magħrufa bħala l-Korpus. Matul in-nofs ta’ nhar ta’ filgħodu se tibqa’ għaddejja l-Adorazzjoni fil-Kappella. Dritt wara l-Quddies tat-8:00am u tal-10:30am nagħmlu wkoll Purċissjoni qasira bl-Ewkaristija madwar il-grawnd tal-Oratorju. Din tintemm bil-Barka Sagramentali. Ejjew illum ma nistħux nistqarru mħabbitna lil Ġesu’ Ewkaristija, u dan billi ma nistħux nieħdu sehem sħiħ fil-Quddiesa, fl-Adorazzjoni u fil-Purċissjoni.
ĠABRA B’RIŻQ L-ARKA
Il-ġbir li qed isir fil-Quddies ta’ dan il-weekend fid-djoċesi t’Għawdex se jmur b’riżq il-Fundazzjoni ARKA. Kunu ġenerużi fil-ġbir tal-Quddies tal-lum.
DON BOSCO SUMMER CLUB 2026
L-applikazzjonijiet ghat-tfal u ghal-leaders huma miftuha, u jibqghu jintlaqghu sal-31 ta’ Mejju. L-applikazzjonijiet jinkisbu kemm mill-Oratorju kif ukoll online jew mill-iskejjel. L-applikazzjonijiet bil-hlas dovut jintlaqghu fil-Booking Office tal-Oratorju kuljum bejn il-5:00pm u s-6:15pm. L-applikazzjonijiet tal-leaders jintlaqgħu wkoll fl-istess ħinijiet jew jistgħu jintbagħtu bil-posta elettronika. ‘Il quddiem issir Laqgħa ta’ Tħejjija għal dawn il-voluntiera.
Il-Klabb tas-Sajf din is-sena se jkun mit-3 ta’ Lulju sat-28 t’Awwissu.
APPLIKAZZJONIJIET GĦAL LEADERS
Minħabba n-numru ta’ tfal li għandna dan is-sajf, madwar 150, għandna bżonn ta’ iktar leaders, voluntiera u animaturi. Għalhekk qegħdin nagħmlu appell mill-ġdid biex ikollna aktar minn dawn il-persuni magħna tul is-sajf. Dawk li jixtiequ u jistgħu joffru ftit ħin fil-ġimgħa b’riżq it-tfal jistgħu jikkuntattjaw lil Dun Effie u jimlew applikazzjoni apposta. L-applikazzjonijiet tal-leaders jinkisbu wkoll mill-Foyer jew mill-facebook page jew minn hawn .
LAQGĦA TA’ TĦEJJIJA
Nhar il-Ġimgħa 19 ta’ Ġunju fil-5:30pm se nagħmlu laqgħa ta’ tħejjija għal dawk kollha li offrew li jagħtu daqqa t’id fil-Klabb tas-Sajf bħala leaders jew animators. Il-laqgħa ddum madwar siegħa. Min ma jistax jattendi dakinhar nitolbuh ikellem lil Dun Effie.
FESTA TAL-QALB TA’ ĠESU’
Il-Festa Liturġika nhar il-Ġimgħa hi wkoll il-Jum Dinji ta’ Talb għall-Qdusija tas-Saċerdoti. Inħeġġukom nieħdu sehem fil-Quddiesa tas-7:00pm. Dritt wara nagħmlu wkoll ftit mumenti ta’ Adorazzjoni għal kulħadd.
