L-Aħħar Tagħrif
GRUPP TAL-KOPPJI Ż-ŻGĦAR
Infakkru li nhar is-Sibt 31 ta’ Ottubru fit-7.45pm ser issir l-ewwel laqgħa tal-koppji ż-żgħar. Niltaqgħu fid-dance studio il-kbir.
GRUPP TAL-KOPPJI L-KBAR
Jiltaqgħu nhar ta’ Ġimgħa kull ħmistax fit-7.45pm fil-Conference Room. Il-laqgħa li jmiss ser tkun il-Ġimgħa 6 ta’ Novembru. Imexxi Fr John Vella.
GRUPP TAS-SINGLES
L-Oratorju ser joffri possibiltà ta’ laqgħa flimkien għal dawk li għandhom bejn 35-50 sena u li huma single. Ikollna mumenti ta’ talb, kondiviżjoni u formazzjoni. Il-laqgħat ser isiru nhar ta’ Tnejn kull ħmistax fis-7.30pm fil-Conference Room. L-ewwel laqgħa ser tkun fid-9 ta’ Novembru. Min jixtieq jifforma parti minn dan il-grupp jista’ jkellemna.
SOLENNITÀ TAL-QADDISIN KOLLHA
Nhar il-Ħadd 1 ta’ Novembru l-Knisja tiċċelebra lill-qaddisin kollha, li jinkludu qraba tagħna li qegħdin igawdu l-glorja tas-sema. Il-quddies ikun bħal kull nhar ta’ Ħadd, fit-8 u fl-10.30a.m.
THE PRINCE OF EGYPT
Il-booking mill-booking office ikun miftuħ kuljum bejn il-5-6.15pm, kif ukoll tistgħu tibbukkjaw online. Għall-booking online tistgħu tidħlu fuq is-sit theatre.donboscogozo.org. Inħeġġukom tibbukkjaw u biex ma tħallux għall-aħħar.
