Daħla

L-Aħħar Tagħrif

BIDLA FIT-TMEXXIJA TAL-ORATORJU

Nhar it-Tnejn li għadda id-djoċesi t’Għawdex ħabbret uffiċċjalment il-bidla fit-tmexxija tal-Oratorju. Id-direttur il-ġdid tal-Oratorju se jkun dun Samuel Grech, waqt li dun Mark Bonello, responsabbli mill-Kummissjoni Djoċesana taż-Żgħażagħ se jkun qiegħed jgħinu waqt li l-KDŻ se tibda’ wkoll topera minn uffiċċju fil-binja tal-Legion of Mary kif ukoll mill-Oratorju. Nawgurawlhom u nwiegħduhom it-talb u l-koperazzjoni tagħna. Il-bidla fl-Oratorju se tidħol fis-seħħ mill-Ħadd 27 ta’ Settembru.

IL-ĠABRA TAX-XAHAR

Nhar il-Ħadd 13 ta' Settembru huwa t-Tieni Ħadd tax-Xahar. Għalhekk ssir il-Ġabra Speċjali li tmur għall-Fond tar-Refurbishment tal-Oratorju. Kunu ġenerużi.

FESTA TAS-SALIB IMQADDES

It-Tnejn 14 ta' Settembru taħbat il-Festa tal-Eżaltazzjoni tas-Salib. Ejjew niftakru fir-rebħa tas-Salib u nroddu ħajr lil Alla talli fdiena bis-Salib ta’ Ibnu. Dritt wara l-Quddiesa għada filgħaxija nagħmlu t-Talba tal-Via Sagra.

FESTA TAD-DULURI

Nhar it-Tlieta 15 ta' Settembru, imbagħad, hija l-Festa Liturġika tad-Duluri. Ejjew ilkoll insellmu lill-Omm Imnikkta minħabba fina, bis-sehem tagħna fil-Quddiesa ta’ filgħaxija. Fil-Quddiesa jsir it-talb tal-Via Matris.

LEJLA MALTIJA

Din il-Lejla, organiżżata mill-Oratory Youths bis-sehem ta’ George Curmi l-Puse’ u l-band tiegħu, se ssir nhar is-Sibt 19 ta’ Settembru fit-8:00pm fi Pjazza Santu Wistin. Booking mingħand membri tal-Kumitat tal-Oratory Youths.

IL-FESTA TAL-MADONNA TAL-GRAZZJA

Nhar il-Ħadd 20 ta' Settembru, fl-inħawi tal-Kapuċċini tkun ċelebrata l-Festa tal-Madonna tal-Grazzja. Nawguraw il-festa t-tajba lil dawk kollha li huma mill-inħawi tal-Kapuċċini u lil kull min iħossu “tal-festa”. Jalla d-devozzjoni tagħna lkoll lejn il-Madonna tkompli tgħaqqadna flimkien biex nagħmlu kuraġġ u nimitawHa.

TĦEJJIJA GĦAS-SENA SOĊJALI L-ĠDIDA

F’dawn il-ġranet l-Oratorju ikun qed jipprepara għas-sena soċjali l-ġdida li tibda f’Ottubru. Kull min jixtieq jaqsam xi idejat jew jikkontribwixxi bis-sehem tiegħu għandu jikkuntattja lil d. Samuel Grech. Dun Samuel se jibda l-ħidma tiegħu bħala Direttur tal-Oratorju mill-Ħadd li ġej 27 ta’ Settembru. Nawgurawlu u nitolbu għalih.

IN-NURSERY TAL-ORATORJU

Ir-reġistrazzjoni għan-Nursery tal-futbol tal-Oratory Youths għas-sena 2026-2027 għadha miftuħa. Il-ġenituri ta’ tfal minn 12-il sena ‘l isfel interessati fir-reġistrazzjoni ta’ wliedhom għandhom jikkuntattjaw lil David Galea jew lil Raymond Attard.

ONLINE BOOKING GĦAL “THE PRINCE OF EGYPT”

L-online booking tal-musical rinomat ta’ Dreamworks THE PRINCE OF EGYPT, u li se jsir live fuq il-palk tal-Oratorju f’Novembru li ġej, huwa miftuħ. Dan il-musical qed isir għall-ewwel darba f’pajjiżna. Il-musical s’issa se jittella’ ħames darbiet: il-Ġimgħa 13 ta’ Novembru fis-7:30pm, is-Sibt 14 ta’ Novembru fis-7:30pm, il-Ħadd 15 ta’ Novembru fl-4;00pm, il-Ġimgħa 20 ta’ Novembru fis-7:30pm u s-Sibt 21 ta’ Novembru fis-7:30pm. Għall-booking online tistgħu tidħlu fuq is-sit theatre.donboscogozo.org. Il-prezz tal-biljetti huwa ta’ €30, €35 u €40. Il-Booking bit-telefon jew mill-Booking Office tal-Oratorju jiftaħ mill-1 t’Ottubru.