L-Aħħar Tagħrif
DB CELEBRATION
Fl-okkażjoni tal-Birthday ta’ Don Bosco, nhar it-Tnejn se jkollna xi attivitajiet speċjali għat-tfal.
Fid-9:00am — Quddiesa minn Mons. Isqof, u wara nieħdu r-ritratt uffiċċjali tas-Summer Club.
Fl-10:00am — Magic Show fil-grawnd mill-magician malti Alfred Mifsud.
Fil-10:45am — Marċ minn banda ta’ żgħażagħ ġol-Oratorju bl-istatwa żgħira ta’ Don Bosco.
Bouncy Castles u Face-Painting
Qsim tal-Birthday Cake mat-tfal.
IL-BIRTHDAY TA’ DON BOSCO
Pitgħada s-Sibt 16 t’Awwissu jaħbat il-210 Birthday tal-patrun tagħna San Ġwann Bosco. Inħeġġukom biex pitgħada niltaqgħu lkoll fil-Kappella għall-Quddiesa fis-7:00pm. Aħsbu għall-Qrar qabel.
BBQ u CONCERT TAL-AĦĦAR TAS-SUMMER CLUB
Dawn se jsiru nhar l-Erbgħa 27 t’Awwissu fit-8:00pm fi Pjazza Santu Wistin. It-tema tal-Concert din is-sena hija l-Paċi. Inħeġġukom biex tiġu u tissapportjaw it-tfal u ż-żgħażagħ tagħna. Il-biljetti tal-BBQ jistgħu jinxtraw minn għada t-Tnejn ‘il quddiem. It-tfal li qed jieħdu sehem se jingħataw Biljett b’xejn. Il-prezz tal-Biljetti għall-Kbar huwa ta’ €25. Tat-tfal huwa: €12. Il-biljetti jibqgħu jinxtraw sat-Tnejn 25 t’Awwissu f’nofsinhar.
IL-QUDDIES GĦADA
Għada, il-Festa ta’ Santa Marija, il-Quddies fl-Oratorju jkun bħal nhar ta’ Ħadd, jiġifieri fit-8:00am u fl-10:30am. Filgħaxija ma jkunx hawn Quddiesa.
FUND-RAISING GĦALL-GWATEMALA
Is-Sibt 23 t’Awwissu fl-Oratorju se ssir Attivita’ ta’ Fund-Raising għall-Missjoni ta’ Dun Anton Grech fil-Gwatemala. Fis-7:00pm Dun Anton se jmexxi Quddiesa fil-Kappella u wara se jsir BBQ għal kulħadd fil-grawnd. Inkitbu fil-Bar.
IL-FESTA TA’ SANTA MARIJA
Il-Ġimgħa hija l-Festa ta’ Santa Marija, patruna prinċipali tal-gżejjer maltin. Jalla l-Festa ma tiġix biss biex ikollna ġurnata ta’ ċelebrazzjoni. Iċ-ċapċipa tagħna lil Santa Marija llum trid tfisser il-ferħ tagħna għal Dik li tat kollox għal Binha u għalina. Ejjew inħalluha tfisser ukoll l-impenn tagħna biex nimitawha fil-virtujiet tagħha, biex naslu ħdejha fil-glorja tal-Ġenna.
IL-FESTA T-TAJBA LIL KULĦADD.
ONLINE BOOKING GĦALL-MUSICAL “BEAUTY & THE BEAST”
L-online booking għall-musical “Beauty and The Beast” li l-Oratorju se jtella’ f’Novembru hu miftuħ. Għall-booking tistgħu tidħlu fuq is-sit theatre.donboscogozo.org. Il-booking mill-Foyer jiftaħ f’Ottubru.
