Latest Flash plugin
and Javascript support required.
Click HERE to download
the latest Flash plugin
L-Aħħar tagħrif
Appell mil-l-Oratorju fid-Djar
Ħmistax ilu tqassam fid-djar tar-Rabat l-Appell Annwali għall-għajnuna mill-Oratorju. Dan l-appell jinkludi r-Rendikont Finanzjarju tax-Xogħol Kapitali li qed isir fl-Oratorju. Dawk li joqgħodu fil-parroċċa tal-Fontana se jirċievu l-appell wara nofs Ġunju. Dawk li joqgħodu f'xi parroċċa oħra, jistgħu jiksbu kopja min-naħa ta' wara tal-kappella. Il-Ġbir lura tal-envelope marbut ma' dan l-Appell beda wkoll. Inħeġġu lil dawk li ma nsibuhomx fi djarhom, biex jekk jogħġobhom iwassluhulna l-Oratorju.
Klabb tas-Sajf 2012
L-applikazzjonijiet tat-tfal għad-Don Bosco Summer Club 2012 issa huma miftu]a. Dawn jinkisbu min-naħa ta' wara tal-kappella jew mill-Foyer. Għandhom jimtlew mhux aktar tard mill-aħħar ta' Mejju.
Applikazzjonijiet għal-Leaders tas-Summer Club
Qegħdin ukoll nagħmlu appell biex ikollna aktar leaders magħna matul is-Sajf. Dawk li jixtiequ u jistgħu joffru ftit ħin fil-ġimgħa jistgħu jikkuntattjaw lil Dun Effie u jimlew applikazzjoni apposta li tinkiseb ukoll mill-Foyer jew min-naħa ta' wara tal-kappella.
Ġejja l-Festa tal-Madonna
Il-Festa ta' Marija Għajnuna tal-Insara taħbat il-Ħamis 24 ta' Mejju. Għalhekk nhar it-Tlieta tibda n-Novena bi tħejjija għall-Festa. Inħeġġukom tkunu preżenti fil-kappella għaċ-Ċelebrazzjoni Ewkaristika u għall-Quddiesa ta' filgħaxija. Bi tħejjija wkoll għall-Festa, nhar is-Sibt se jkollna Lejl Adorazzjoni organiżżat mill-Moviment Ewkaristiku. Jibda b'Quddiesa fit-20.30 u jkun hemm Quddiesa oħra f'nofsillejl. Ejjew żuru lil Ġesu' Ewkaristija f'dik il-lejla.
Ix-Xahar ta' Mejju
Inħeġġukom biex fix-xahar ta' Mejju nuru mħabbitna lejn il-Madonna bit-Talba tar-Rużarju kuljum fil-kappella jew mal-familja, kif ukoll bi żjara lill-Madonna f'xi santwarju tagħha fl-Erbgħat ta' Santa Marija.
Prosit Under 15
It-tim tal-futbol tagħna tal-Under 15 nhar il-Ħamis rebaħ l-GFA Cup. Nifirħu lill-plejers kollha u lill-coaches, u nawgurawlhom ikomplu jistinkaw u jitħarrġu għall-ġid ta' ġisimhom u ruħhom!
